မစ္စတာ ဂျင်မ်ဝက်ဘ်ဟာ မြန်မာနိုင်ငံကို ဒုတိယအကြိမ်ရောက်လာ
အမေရိကန်ဆီးနိတ်အထက်လွတ်တော်အမတ် မစ္စတာ ဂျင်ဝက်ဟာ မြန်မာနိုင်ငံကို ဒီနေ့ လာရောက်ဖို့ရှိပါတယ်။
သူ့ရဲ့ခရီးစဉ်အတွင်း ဗိုလ်ချုပ်မှူးကြီး သန်းရွှေ၊ ဒေါ်အောင်ဆန်းစုကြည်တို့နဲ့ တွေ့ဆုံမယ်လို့ မျှော်လင့်ရပါတယ်။
သိပ်မကြာခင်တုန်းကတော့ အမေရိကန်လက်ထောက်နိုင်ငံခြားရေးဝန်ကြီး ကာ့ဒ် ကမ့်ဘဲလ်လည်း မြန်မာနိုင်ငံကို လာရောက်ခဲ့ပြီး ခရီးစဉ်အပြီးမှာ ပြောတာက မြန်မာနိုင်ငံရေးမှာ စစ်အစိုးရက တစ်ဘက်သတ် သွားနေတဲ့အတွက် စိတ်ပျက်တဲ့အကြောင်း ပြောပါတယ်။
မစ္စတာ ဂျင်မ်ဝက်ဘ်ဟာ ပြီးခဲ့တဲ့နှစ်အတွင်း မြန်မာနိုင်ငံကို ပထမအကြိမ်အဖြစ် လာတုန်းက မြန်မာအစိုးရ၊ အတိုက်ခံခေါင်းဆောင်တွေနဲ့တွေ့ခွင့်ရခဲ့သလို ထောင်ကျနေတဲ့ မစ္စတာ ယက်တောကိုလည်း အမေရိကန်ကို ပြန်ခေါ်သွားနိုင်ခဲ့ပါတယ်။
ဒီတစ်ကြိမ်မှာ သူဘာတွေ ဆောင်ရွက်နိုင်မလဲဆိုတာ မသိရေသေးပေမယ့် NLD ကတော့ အမေရိကန်အနေနဲ့ ချင့်ချင့်ချိန်ချိန်လုပ်ဆောင်သင့်ကြောင်း၊ မြန်မာအစိုးရက ဒီမိုကရေစီရေး တကယ်တမ်း တိုးတက်အောင် လုပ်ဆောင်နိုင်မှု ရှိမရှိဆိုတာကို ကြည့်သင့်ကြောင်း NLD ဒုတိယဥက္ကဌ ဦးတင်ဦးက ပြောပါတယ်။
အမေရိကန်ဟာ မြန်မာနိုင်ငံကို ပိတ်ဆို့အရေးယူထားသလို ပြီးခဲ့တဲ့နှစ်ကစလို့ သူ့ရဲ့ မူဝါဒပြန်လည်သုံးသပ်မှုတွေနဲ့အတူ မြန်မာစစ်အစိုးရနဲ့ တိုက်ရိုက်တွေ့ဆုံ ဆွေးနွေးမှုတွေလည်း လုပ်နေပါတယ်။ ဒါပေမယ့် တွေ့ဆုံမှုကလွဲရင် တခြားတိုးတက်မှုတစ်စုံတစ်ရာ မတွေ့ရသေးပါဘူး။
No comments:
Post a Comment